إنهم يذبحون الأشجار 3

 

للمقارنة فقط:

عالم ما قبل المذبحة

 

انظر أيضا :

إنهم يذبحون الأشجار 2

إنهم يذبحون الأشجار

وأيضا:

شجار مع الأشجار

البحث عن كليوباترا

جملة عجبتني قوي في تحقيق عن البحث عن مقبرة كليوباترا في الطبعة العربية من مجلة ناشيونال جيوجرافيك. المحرر بيقول:

"غير أنه لم تفلح أعمال التنقيب تحت الماء حتى الآن في الكشف عن أي قبر، وكل ما عثر عليه الغواصون من أثر لكليوباترا هي علب سجائر فارغة تحمل اسمها، كانت تتقاذفها المياه أثناء عملهم".

حنين غير مشروع!

وحشتني قوي مقالات إبراهيم نافع وأسامة سرايا وأمثالهم!

مش لاقي حاجة مسلية تعوضني عنهم بنفس القدر بعد الثورة.

لمجرد التذكرة ولتأجيج الاشتياق للأشياء التي حرمتنا منها الثورة، ومن نفس المدونة دي، دي عينة من مقالات

إبراهيم نافع

أسامة سرايا

ودي كمان عينة من امتحانات ما قبل الثورة

(للي مالوش قوي في النت دوس على اللينك علشان تقرا العينات)

وجهة نظر من الزهرة

it would be nice if you did things that I ask
it would be even nicer if you did things without me having to ask you


من فيلم
the break up

إنهم يذبحون الأشجار 2

بدون تعليق

ضبط في حالة تلبس

انظر أيضا: إنهم يذبحون الأشجار

شفقة

إنني أتعجب.. هل هناك شيء مثير للشفقة أكثر من رئيس سابق?

من فيلم Amistad

النظام

المشكلة مش فيكم

المشكلة في النظام

الريس برايز

فيلم ثقافي
2000
-------------


الشعب يريد إسقاط النظام


الشعب المصري
2011

حرق دم

أكثر حاجة تحرق الدم في اللي بيحصل مش التدمير والحرق اللي اتعرضت له الكنايس، لكن ان الواحد يكتشف انه مخدوع في عقلية ألوف الناس من الشعب ده.

التعليقات اللي مواقع الأخبار واليوتيوب والفيسبوك والإنترنت كلها متعاطفة مع اللي هجموا ع الكنايس.

شيء ما توقعتوش خالص.

راجل سلفي طيب طالع ع اليوتيوب بيقول لك احنا كنا رايحين نفتش الكنيسة بالذوق والأدب وهم اللي ضربونا. لا يا شيخ!

أما أكثر شيء حرق دمي فعلا فهو صفحة ع الفيسبوك كنت مشترك فيها لمتابعة عروض شركات المحمول. الصفحة قررت مقاطعة موبينيل ومسح أي عروض ليها، والسبب هو "نصرة لأخواتنا الأسيرات في أديرة مهداة من رجل الأعمال النصراني نجيب ساويرس". ومعظم أعضاء الصفحة موافقين ع الكلام ده. هي دي الطائفية في قمتها فعلا.

أنا مش فاهم ازاي كذبة تطلع وتكبر لغاية ما تتحول لحقيقة دامغة لا تدحض. ده أنا ما كنتش مسيحي طول عمري ولا عمري دخلت كنيسة ولا زرت دير علشان أعرف دلوقت ان الكنايس مليانة أسلحة ورشاشات وان فيها غرف لحبس المسلمات وتعذيبهم. 

لما 4000 واحد يهجموا ع الكنيسة بالشكل ده وبعدين كل الناس مصرة ان المسيحيين هم اللي ضربوا نار وهم اللي بيخطفوا المسلمات ويعذبوهم يبقى احنا وصلنا لمرحلة الخراب.

لو قلت لهم خشوا فتشوا يبقى نقلوهم كنيسة تانية. لو كاميليا طلعت قالت ما أسلمتش يبقى مضغوط عليها وفي قول آخر دوبليرة. 

تعالوا ادخلوا الكنايس شوفوا شكلها ايه بدل الأساطير دي. طول عمر الكنايس والأديرة مفتوحة لكل الأديان وعمر ما حد سأل اللي داخل انت دينك ايه، لغاية حادث تفجير كنيسة القديسين لما الأمن حط بوابات إليكترونية ع الكنايس وبقوا يشوفوا بطاقة اللي داخل، والإجراء ده ضايقني جدا، لأن المفروض الكنيسة مكان مرحاب مفتوح للجميع. كنيستنا مثلا ملحق بيها عيادة خيرية بيروحها مسلمين أكثر من المسيحيين علشان كده بنشوف محجبات كثير داخلين طالعين.

غباء وجهل وتخلف. واحد يقول كلمة تلاقي ألوف طلعوا وراه زي الخرفان.

إذا كنا بلد خرفان فعلا يبقى كنا نستحق حسني مبارك راعي العلم والرياضة والفن والبهايم.

52 مليار دجاجة!

خلال 2009 أكل البشر على كوكب الأرض 52 مليار دجاجة! أرقام مذهلة نشرتها مجلة ناشيونال جيوجرافيك عن الحيوانات التي أكلها البشر في 2009. فيما يلي القائمة:

• 1.7 مليون جمل
• 24 مليون جاموس ماء
• 293 مليون بقرة
• 398 مليون ماعز
• 518 مليون خروف
• 633 مليون ديك رومي
• 1.1 مليار أرنب
• 1.3 مليار خنزير
• 2.6 مليار بطة
• 52 مليار دجاجة