عندي صاحب
كله عجايب
طالب خايب
قال ويحب
عيلته غنيّة
وعنده مهيّة
وكذا عربيّة
وفيلا وكلب
كل محاضرة
باكون أنا حاضرة
ولو للشهرة
ييجي معايا
بازوّغ منّه
وأفكر إنّه
ناسيني لكنّه
بييجي ورايا
في الكافيتيريا
معمل كيميا
ورا الكلية
أبص ألاقيه
يزعل مني
وقال يخاصمني
ولما يشوفني
يقول جرى إيه؟
قلت له يا خفيف
قال قصدي شريف
من غير تكليف
جاي أتقدّم
قلت له راجلي
حاجة تليق لي
وانت عامل لي
واد ومعلّم
فرقة الأصدقاء - 1980
9 comments:
يـــــــــــــــــــــــاه
و أنت لقيت أساساً الاغنية دى فين علشان تسمعها و تكتبها كمان
فريق قديم جداً
و تقريباً مانجحش مع بعضه لما كلهم أنفصلوا بدأوا يظهروا
تقريباً كان فى الفريق
علاء عبد الخالق
منى عبد الغنى
حنان
و الاتنين طبعاً أرتدوا الحجاب و أعتزلوا الغناء و لكن منى هى اللى رجعت بس اليومين دول
فكرتنى بموضوع كنت قرأته فى مجلة كلمتنا عن ولد فى جامعة القاهرة
كان عامل ديوان شعر بالعامية المصرية أسمه الحب فى الجامعة
و هو كان أسمه عادل سلامه و حتى غلاف الديوان عبارة عن روقة من كشكول محاضرا عادى جداًبس كان كلامه كله بالشكل ده
مثلاً بيقول فى قصيدة أسمها خلينا أصحاب
خلينا أصحاب جملة مقبلانى فكل طريق هو أنا مكتوب على وشى صديق ؟؟ مأنا عايز أحب بجد و أتحب بجد و أدوب
ولا أنا جوايا حجر و الناس جواها قلوب
المهم أن كل الشعر بتاعه كان بيدور فى شكل الجامعات و الكليات
وبكدة يا أصدكائى نفهم ان اى طالب خايب هوا واد ومعلم وصايع وابن كلب !!
لأ الفريق ده شكله جامد
lol @ anonymous!!
i loved it awy.
بالذمة يا جماعة مش روعة؟
بيفكرني قوي بفريق أبا السويدي. ألذ حاجة ان أغانية بتدور عن أشياء حياتية، مش بس باحبك وبادوب ورمشك والكلام المبتذل ده.
فعلاً الكلام بيناقش حاجات طبيعية عادية فى الحياة اليومية
بالرغم من عدم حبى لسماع شعبان عبد الرحيم ألا أنى أتابع أعماله بكل شغف
فهو المطرب -أذا أستطعنا قولها-الوحيد الذى يساير القضية بسرعة خيالية و بكلام أكثر من جرئ و لكنه مفهوم و مباشر للغاية
أحب فريق الأبا
ABBA
حلوة اوى اوى اوى يا ميشيل حلوة بجد
يا سلام عليك ياميشو وعلى جمالك .. احب انا الناس اللى بتنخور وتفتش عن الجمال وعن الحاجات الحلوة الحقيقية ..
بس كان نفسى اعرف دى كلمات مين لو عرفت قلنا
.. على فكرة .. انا عادل سلامة اللى احمد بلال جاب سيرتى .. وده طبعا شرف ليا انى اسمى يذكر بعد الغنوة الحلوة دى .. وسيبك من مجلة كلمتنا وتعلالى على البلوج ان شاء الله تشوفو اللى يعجبكوا
انا بردو ماحصلش وعرفت عن فريق الاصدقاء دول قبل كده بس واضح انهم كانوا فريق جامد جدا
الاغنية زى مانت بتقول فعلا بتعبر عن حاجات من واقع حياتنا اليومية ومشاعرنا البسيطة
خسارة بجد انهم بطلوا
ده الفريق بتاع عمار الشريعي، وكان المنافس الرئيسي بتاعه فريق الفور إم بتاع عزت أبو عوف اللي للأسف بيمثل دبوقت وهو مش موهوب أبدا في النقطة دي
Post a Comment