Sunday, February 18, 2007

البغبغاء!

أثناء نشرة أخبار التاسعة، وضمن القسم الرخم اللي بيجيبوا فيه أخبار هبلة وبيسموها أخبار خفيفة، كان فيه خبر عن ببغاء (أو بالعامية بغبغان). مش فاكر الخبر كان بيقول إيه، لكن اللي أخذت بالي منه إن المذيع كان بيقول بغبغاء! هو يقول بغبغاء وأنا أضحك، يكررها وأنا أضحك. كررها ييجي 5 أو 6 مرات! بغبغاء دي لا حصلت عامية ولا فصحى. مش عارف دي غلطة المذيع واللا المعدّ اللي بيكتب له، ولا المصحح اللي المفروض يراجع الكلام ده، ولا الثلاثة مع بعض.
صباح الجهل.

8 comments:

Ghada said...

LoL!
بغبغاء..
ده مش جهل.. ده غباء!
:D

Michel Hanna said...

ياااه!
تاني مرة تعلقي عندي يا غادة
أول مرة كانت في أول بوست خالص!

أحمــــــــدبــــــــــلال said...

ياعم هى يعنى جت على دى ما التليفزيون و خصوصاً المصرى مليان من الحاجات دى
مرة مذيعة معتوهة على ما أذكر ذكرت أن ماتش مهم هايبدأ مابين مصر و ليبيا
بالرغم من أنها كانت ليبريا على ما أفتكر
مش هانسى فى برنامج أخترنا لك اللى كنت بحبه زمان المذيعة و هى بتقول أن الممثلة كيت وينسلت اللى شوفناها فى التايتانيك هانشوفها و هى بتغنى أغنية الفيلم و كانت أغنية
my heart will go on
بأداء سيلين ديون
و نفس المذيعة أعلنت عن أن نجم الحركة جاكى شان هانشوفه فى أغنية عاطفية
و أجد أن المطرب أسمه تشاكى تشان
و ألاف المواقف

Anonymous said...

3ala fekra howa esmo "Ba3'ba3'a2" fe3lan bel fos7a mesh "Bb3'a2".
Beyethaya2ly gat mennak out..
Bos fe elmo3gam law mesh mesada2ny.
Sry ana ma3andish 3araby 3al Laptop..

X

dandana said...

انت اللى غلطان....
فيه حد لسا بيتفرج على نشرة تسعة...

واحد من الناس said...

انا معرفش بيجيبوا المذيعين الكسر دول منين
مالفضائيات مليانه مذيعين ومذيعات ذي الورد
يلا الحمد لله مبتفرجش عالتلفزيون المصري

Michel Hanna said...

عزيزي المجهول
أنا دورت في المعجم وما فيش حاجة اسمها بغبغاء
بغبغاء غلط ما فيش كلام.

Anonymous said...

أكيد غلط جداً !
غلط بس؟

ده غير طبيعي ولا يقبله عقل كمان
قال بغباء قال!!

هم يضحك...!