Tuesday, March 06, 2007

الموزة

ده نوكيا الموزة، طبعا هو ما اسموش كده، لكن الناس في مصر أطلقت عليه الاسم ده لأنه لما بيتفتح بيبقى شكله زيّ الموزة.
كان الكلام ده في التسعينات، وكان الموبايل حاجة بيشتريها علية القوم بس، وكانت وزارة الاتصالات هي اللي بتقدّم الخطوط بأسعار خيالية، على ما أذكر ألفين أو أكثر للخط، وكان الموبايل الموزة ده هو حلم الناس اللي واقفين يتفرّجوا في الفتارين.
إن يكون عندك نوكيا الموزة، ده شيء خيالي معناه انك عدّيت خلاص, دلوقت لو حد شاف الموزة ده يمكن ما يرضاش يلمّع بيه الجزمة.
لشدّ ما تتغيّر هذه الدنيا بسرعة!
Post a Comment