Friday, November 30, 2007

عودة فتاة الغلاف الأول


تحتفل مجلة العربي الكويتي في عددها الجديد (ديسمبر 2007) بمرور 50 عاما على صدور المجلة. وبالمناسبة دي المجلة عاملة حاجة لذيذة جدا: جابوا فتاة الغلاف المتصورة على العدد الأول وصوروها على غلاف عدد اليوبيل الذهبي! وكاتبين على غلاف العدد عنوان جميل بالأصفر بيقول "عودة فتاة الغلاف الأول".

فتاة الغلاف الأول اسمها عواطف العيسى، وكان عمرها 11 سنة وقت تصوير الغلاف، وطبعا الحكاية دي عملت أزمة كبيرة في عائلتها سنة 1957 لأن المجتمع الكويتي كان صعب يتقبل حاجة زي كده.

حركة رائعة فعلا وضربة معلم من الطراز الأول. لقوها فين فتاة الغلاف الأول وجابوها منين علشان يصوروها تاني بعد خمسين سنة؟ ده إن دل على شيء فإنما يدل على ان عندهم نظام فائق للأرشفة وحفظ المعلومات، بحيث اننا نقدر نعرف النهاردة اسم البنت اللي اتصورت على الغلاف من خمسين سنة، والأكثر من كده اننا نعرف نوصلها النهاردة بعد ما الدنيا اتغيرت تماما وكليا.

تحية لصناع السبق الجميل الممتع ده، وتحية للعربي في عيد ميلادها.

8 comments:

Unknown said...

جميل فعلا جدا ان البنت اللي طلعت علي الغلاف اول عدد تطلع عليه بعد 50 سنة

واكيد ده يرجع لأنهم عندهم نظام دقيق جدا

(:

معاذ رياض said...

فكرة حلوة فعلا وعجبتني

السـيد شبـل said...

ان دل هذا الامر على شىء فانه يدل على عمق فريق عمل هذه المجله.
وشعورهم بواجبهم نحو قارئهم

لكن هناك امر قد لفت نظرى هو ظهور هذه السيدة الفاضله "غير محجبه "انا لست عالم بالمجتمع الخليجى جيدا... لكن هل يوجد هناك سيدات غير محجبات
------------------------------
نسيت اقول ان مدونتك جيده واتمنى لك دوام التوفيق

Michel Hanna said...

إسراء ومعاذ: شكرا لكما.
السيد شبل: أيوة الكويت فيها غير محجبات وفيها تيار تنويري قوي بعكس باقي دول الخليج عموما، وألف شكر ليك.

مروة الزارع said...

هاى ميشيل
أخبارك أية
أنا على فكرة بقرأ مدونتك من زمان أوى ومعجبة بيها جدا وتعتبر من أهم المدونات عندى
بس دى أول مرة أعلق لأنى مكنتش أعرف إزاى
بس أنا أتعلمت حاجات كتير وعملت مدونة ليا كمان
أتمنى بجد تزورنى وتقولى رأيك
رأيك يهمنى جدا
هستناة

أسامه يوسف said...

إزيك يادكتور
أنا مش جيتلك من زمان
بس فى موضوع من موضوعاتك اتسرق
أنا قريته على البلوج بتاعتك
ولسه قاريه النهارده على الميل
الموضوع هو All in one
السارق هو مجموعة طارق فاروق البريديه
على الياهو
T_farok
السارق كتب اسمه على الموضوع بكل تبجح
وهو محمد هشام عبيه

أرجو ان تتخذ موقف ضدهم

semsem said...

فعلا الناس دى جيرة باالاحترام

Anonymous said...

Еvery weekend і used to vіsit this ωeb site, for the reason thаt
i want enjoyment, sіncе this thіs site conatіons really goοd funny data too.


Му websitе ... tragbare fotografie studio schmuck