رسالة من صديقة إنترنتية

يا صديقي العزيز هاكلمك بصراحة شديدة
احنا دلوقتي عايشين في مجتمع رافض للثقافة
ان لم يكن محتقر ليها ... رافض للفن تماما ... معاد للذوق والجمال
ودة باختصار مخل نتيجة للمد الوهابي اللي مسخ عقول الناس وشل تفكيرها
قلة الذوق باينة في كل حاجة ... من اول التعاملات لغاية المباني ...
دلوقتي أغلب الناس
أساسا بتعتبر الموسيقا حرام والشياكة قلة ادب والصداقة انحلال
بصرف النظر عن الاديان , انا باتكلم مع انسان مثقف
وعارف ان كل دين دخل مصر اتطبع
بطبعها الجميل ... أعذب الالحان المسيحية عموما
مصر اللي عاملاها وأجمل الايقونات وأكثرها تعبيرا
وتأثيرا عملها الرسام المصري اللي رسم على جدران المعابد
احنا اللي عملنا لحن للأدان واحنا اللي عملنا لحن
حلو لقراءة القرآن ... والفن الاسلامي دة بتاع الأرابيسك
والرسومات التجريدية كلها بتاعتنا احنا ... بتاعة بلدنا الجميلة
اللي ربنا غاضب عليها دلوقتي ... المشكلة اننا جايين في
وقت غلط ووقت ضلمة ... لأول مرة مصر
تستلم لأفكار غبية و متخلفة وتتوانى عن محاربتها
وهضمها واخراجها مع الفضلات ! الناس دلوقتي خلاص
التخلف أكل عقلها ودة تقدر تشوفه طول النهار في كل حتة ...
غير طبعا نظام تعليمنا الفاشل الغبي الحقير

أعتقد ان كل اللي نقدر نعمله اننا نلاقي بعض
مش أكتر 

د. ميرفت يوسف

30 طريقة للموت

كتاب جديد

قريبا

الفرق بيننا وبين الغرب

ما الفرق بيننا وبين الغرب؟

الفرق هو الإحساس بالجمال. فالإنسان في الغرب محب للغابات، الوديان، خرير المياه، السحاب، أشعة القمر والشمس، أما نحن المصريين فلا نرى ولا نسمع شيئا من ذلك. فبناء البيوت عندنا لا يدل على أننا بناءون وإنما على أننا نبحث فقط عن مأوى، فنحن نبني البيوت العالية على النيل حتى لا يرى أحد النيل! ونبني البيوت على الأرض المزروعة حتى لا يرى أحد لون الحياة الخضراء!

د. يحيى عيد