يا صديقي العزيز هاكلمك بصراحة شديدة
احنا دلوقتي عايشين في مجتمع رافض للثقافة
ان لم يكن محتقر ليها ... رافض للفن تماما ... معاد للذوق والجمال
ودة باختصار مخل نتيجة للمد الوهابي اللي مسخ عقول الناس وشل تفكيرها
قلة الذوق باينة في كل حاجة ... من اول التعاملات لغاية المباني ...
دلوقتي أغلب الناس
أساسا بتعتبر الموسيقا حرام والشياكة قلة ادب والصداقة انحلال
بصرف النظر عن الاديان , انا باتكلم مع انسان مثقف
وعارف ان كل دين دخل مصر اتطبع
بطبعها الجميل ... أعذب الالحان المسيحية عموما
مصر اللي عاملاها وأجمل الايقونات وأكثرها تعبيرا
وتأثيرا عملها الرسام المصري اللي رسم على جدران المعابد
احنا اللي عملنا لحن للأدان واحنا اللي عملنا لحن
حلو لقراءة القرآن ... والفن الاسلامي دة بتاع الأرابيسك
والرسومات التجريدية كلها بتاعتنا احنا ... بتاعة بلدنا الجميلة
اللي ربنا غاضب عليها دلوقتي ... المشكلة اننا جايين في
وقت غلط ووقت ضلمة ... لأول مرة مصر
تستلم لأفكار غبية و متخلفة وتتوانى عن محاربتها
وهضمها واخراجها مع الفضلات ! الناس دلوقتي خلاص
التخلف أكل عقلها ودة تقدر تشوفه طول النهار في كل حتة ...
غير طبعا نظام تعليمنا الفاشل الغبي الحقير
أعتقد ان كل اللي نقدر نعمله اننا نلاقي بعض
مش أكتر
د. ميرفت يوسف
16 comments:
ya ret nela2y ba3d bgad ...
3alshan n7es en al donia b 5er,
w ne2dar n3esh :(
wa lw eny mesh 3arfa a7aded e7na men ?
احنا الناس اللي زي بعض
اللي بنبص ونستغرب
رايحة لفين يا بلدي
كل حاجة حلوة فيكي بتختفي
السؤال دلوقتي مين اللي غلطان
انا و لا احنا و لا البلد هي اللي غلطانة
sure !
قصدت المعنى دا فى قصة من تلات قصص بعنوان واحد كتبتها من مدة مش طويلة
if u wanna & have tme 2 read ...
للاختصار المعنى المشابه للروح اللى فى البوست فى لقصة الاخرانية (على ما أعتقد)
http://www.facebook.com/profile.php?id=772505857&v=app_2347471856#!/notes/carol-nabil/atlhythlath-qss-bnwan-wahd/403954384481
جزء كبير من مشكلتنا متعلق بمسألة "أعذب الألحان" وأجمل الأيقونات" و كل "أفعل التفضيلات" دي، ليه ما نقولش إننا عباقرة بس ومش لازم نكون "الأكثر عبقرية" ونمارس هواية الحجر على باقي البشرية!
قريت البوست أول ما حضرتك نزلته
ماكانش لسه حد علق
كنت خايف أرجع أدخل البلوج ألاقى حد كاتب لك التعليق الجاهز والاكليشيه المحفوظ
وأنت مالك بالحلال والحرام والمد الوهابى
بس الحمدلله مش اتكتب
أو ممكن تضيق مش اتكتب لحد الآن
بالنسبه للبوست
فأنا بجد بدأت أكره كونى مصرى
كم السخافة والغباء والجهل ورفض الآخر فى المجتمع
مفيش مخلوق بيفكر إلا من رحم ربى
محدش بيحاول يفكر فى وجهة نظر التانى
محدش بيحاول يلبس نظارة التانى
وكمثال راجع التعليقات فى بوست حضرتك بتاع التبول فى السينما
تحياتى
وحاول ماتتأخرش علينا
أنا بقيت باموت عقبال ما ألاقى بوست هنا أو موضوع فى بص وطل
هو صحيح فى أماكن تانية حضرتك بتنشر فيها ؟؟
فادي: ايه يا عم الشعر ده :)
كاندي: شكرا على القصة
هاقراها بعظيم الاهتمام
رين: ما حدض قال اننا عايزين نحجر، لكن مش ملاحظ ان ضيق الأفق بقى هو السائد؟
أوس: شكرا يا أسو
ما شفتش التعليق اللي بتقول عليه علشان قراء المدونة بقوا أقل من الأول!
أنا باكتب دلوقت في المصري اليوم يوم الثلاثاء كمان
:)
بجد فرحت بالخبر ده
:D
من نجاح لنجاح إن شاء الله
انا فصصت المصرى اليوم النهارده وملقتش اى حاجه ليك يا عم ميشو انت بتشتغلنا ولا ايه
لا يا أستاذ مجدي مش اشتغالة ولا حاجة ، ببساطة ما كتبتش الأسبوع ده :)
الأسبوع الجاي ان شاء الله في صفحة start
كنت باتكلم مع واحد قريب عن اكتر ريحة فايحة في الجو حاليا
كان مصر انها التبلد و الغباوة - في المعاملة مش التفكير - و انا مصر انها الجنون و الغاء المنطق البسيط من عقولنا تماما .. و اننا منقدرش نكون اغبياء ابدا لان التعاطف البسيط دا حاجة فينا مفروضة .. و اتقابلنا في نقطة .. العملية بدأت بالجنون ايوه لكن انتهت بالغباوة
مش عارف ايه معني البدايات او النهايات .. و مش عارف ايه معني الرسالة اللي نشرتها .. و مش عارف ايه معني اننا نلاقي بعض مدام مش هنحرك ورقة .. مواساة و لا ونس ؟؟
.. مليون صفر بيساوي صفر برده
!!
حلاوتك يا ميشيل
انت كمان هتمشي مع التيار ؟
وترمي كل شيئ على المد الوهابي ؟
ده إيه الجمال ده
منت كنت بعيد عن هذا الهراء يا ميشيل .. ودي كانت اكتر حاجة عجباني فيك
صدمتني
أحمد زكريا
مين قال ان انتوا المثقفين؟؟ مين اللي اداكوا الحق انكوا تمثلوا مصر و الاسلام؟؟ مين انتوا؟؟ ايه انجازاتكوا في الحياة؟؟ عملتوا ايه عشان البلد و عملتوا ايه عشان الناس؟؟؟
انتوا كل اللي بتتكلموا فيه هو الجنس .. كل تجاربكوا السياسية هي الشتيمة في رئيس الجمهورية اللي مانحكوا اكبر قدر من الحرية
انتوا المشكلة .. مش المد الوهابي و لا المد العالي .. انتوا المشكلة
لأنكوا عبيد للغرب اللي علمكوا ازاي تحتقروا بلدكوا و تحتقروا اديانكوا
انتوا بتقولوا أي كلام
الشاعر الكبير
فتحي حمدالله
Post a Comment