Monday, January 29, 2007

القائمة

دايما بعد ما أرجع من معرض الكتاب، أحب أقعد أجرد إيه الحاجات اللي جبتها، ومن العادات اللطيفة عند القراء لما يقابلوا بعضهم في المعرض ان كل واحد يورّي التاني اشترى إيه، وينصحوا بعض إيه الحاجات الكويسة القابلة للقراءة. تقريبا كل الناس اللي شفتها في المعرض اشترت شيكاجو، وفي المرتبة الثانية أولاد حارتنا، والباقي بيختلف حسب الأذواق.
تعالوا أوريكم جبت إيه السنة دي (مع العلم اني لسة رايح اشتري تاني يعني دي قائمة مبدئية):

شيكاجو – علاء الأسواني
التلصص – صنع الله إبراهيم
ليالي ألف ليلة – نجيب محفوظ
أولاد حارتنا – نجيب محفوظ
كلبي الهرم كلبي الحبيب – أسامة الدناصوري
الرسائل – مصطفى ذكري
مرآة 202 – مصطفى ذكري
آلهة مصر القديمة وأساطيرها – روبرت آرموار – ترجمة مروة الفقي
ما بعد الحركة النسوية – صوفيا فوكا وربيكا رايت – ترجمة جمال الجزيري
التحليل النفسي – إيفان وارد وأوسكار زاريت – ترجمة جمال الجزيري
الإنسان أصله جوافة – محمد هشام عبيه
عش ولا تقل للموت لا مرتين غدا – سلسلة مولوتوف
قارة زينهم المفقودة – سلسلة مولوتوف
نورت مصر – سلسلة مولوتوف
الذي يمشي خلف الصفوف – ستيفن كينج – ترجمة عمرو خيري
تاكسي - خالد الخميسي
.. والروايات الجديدة لأحمد خالد توفيق

ودلوقت قولوا لنا في التعليقات اشتريتوا إيه انتو كمان، وكل سنة وانتو طيبين!

28 comments:

أحمد شعبان said...

ميكي
:)

chaos said...

للأسف معيش فلوس أشتري كتب عشان أقرا فبدأت اكتب و أهو كلو فش خلق please visit my blog

^ H@fSS@^ said...

انا اشتريت كتب لكن مش من معرض الكتاب،تنفع؟؟
1العظام الجميلة ل اليس سيبولد
2 الخيمة الحمراء ل انيتا ديامانت
3 موسم الهجرة الى الشمال ل الطيب الصالح
4ثرثرة تحت برج ايفل ل سعيد اللاوندي
5 مان اند سوبر مان لجورج برنارد شو

شيكاجو ناوية اشتريها لما انزل باذن الله و كل محفوظ اصلا عندي

سلامي

Anonymous said...

i'm surprized u didn't get "taxi"

i just bought " tell me your dreams" by Sidney sheldon and "easy ways to make a living" by Abigail sth.

Anonymous said...

شقة الحرية - غازي القصيبي
العطر- باتريك سوسكيند
الآداب السلطانية - عز الدين العلام - عالم المعرفة
استعمار مصر - تيموثي ميتشيل
المسألة الطائفية ومشكلة الأقليات - برهان غليون
بيان من أجل الديموقراطية - برهان غليون
روح الحداثة - طه عبد الرحمن
الطلبة والسياسة في مصر - أحمد عبد الله رزة
تقرير إلى غريكو - نيكوس كازانتراكس
نجمة أغسطس - صنع الله ابراهيم
علم الاجتماع - أنتوني غيدنز
الدولة والثورة - منير شفيق
العمارة الإسلامية والبيئة - يحيى وزيري - عالم المعرفة
الفكر الإسلامي المعاصر - منير شفيق
الإسلام في معركة الحضارة - منير شفيق
السلطة في الإسلام - عبد الجواد ياسين

Anonymous said...

awlad 7aretna -nagiub mahfouz
dracula-bram stocker
uncle tom's cabin
the idiot-destovesky
all the books of el mo2ssasa from ragel el mosta7il to zehour:)
wuthering heights
kalbi el harem-osama el danasoury
20 gram men el sa3ada
this just a sample i got 72 books :)
taxi el mashwiar i didnot find it they told me that it 'll come the next days
soor el azbakia sorry but they 're theifs.

أشرف حمدي said...

شيكاجو
فقط !
ومش من معرض الكتاب كمان :)

أشرف حمدي said...
This comment has been removed by the author.
أحمــــــــدبــــــــــلال said...

أيه ياعم قولنا رأيك فى شيكاجو
بصراحة عاوز أعرف هى بمستوى يعقوبيان و لا لأ ؟
و عموماً لولا الجو وحش كان زمانى نزلت جبتها
و تحياتى لسلاسل دكتور أحمد خالد توفيق

Anonymous said...

جبت كتب تخص محال شغلى
كيف تتحدث لاى شخص-ليل لوندز
2002 طريقة لتسعد نفسك
كفاحى -هتلر مترجم وملخص
نظم وقتك فى 60 ثانية
القوى الخفية انيس منصور
ملاعيب الولد الشقى-السعدنى محمود
هارى بوتر 6
وكام حاجة مكنتش قريتها لاجاثا كريستى
وقطعا مجبتش شيكاجو لانى قريتها ومجمعها كاملة فى الدستور ,تقدر تقول توفير

Michel Hanna said...

شكرا على الاستجابة يا جماعة
أحمد شعبان: ميكي جميل برضه. وماله :)
حفصوتشا: ينفع طبعا :)
ستيل بريثينج: اشتريته في الطلعة التانية وزودته في القايمة من شوية
أحمد بلال: جميلة طبعا يا أحمد، عليها اسم علاء الأسواني وده ختم الجودة في رأيي.
أشرف وناجي وكييوس والمجهول: شكرا يا جماعة في انتظار باقي القوائم .

أسامه يوسف said...

*رحله إلى مركز الأرض - جول فيرن
*دافيد كوبرفيلد - تشارلز ديكنز
*الأوديسه - هوميروس (مترجمه)
*ماتشيلش فى نفسك - يوسف معاطى
*صايع بالوراثه - يوسف معاطى
*نهارك سعيد - أحمد رجب
*عن القمر والطين - صلاح جاهين
*الفاجوميات - أحمد فؤاد نجم
*كليله ودمنه - ابن المقفع
*عبقرية خالد - عباس محمود العقاد
*أعداد قديمه وجديده لسلسة ماوراء الطبيعه - أحمد خالد توفيق

Anonymous said...

أنا المجهول فوق - اللي بدأ بشقة الحرية- جاي أكمل القائمة بعد الزيارة التانية:

التاريخ الشعبي للولايات المتحدة ج1 ، ج2، هوارد زن - ت: شعبان مكاوي
بناية ماتيلد - حسن داود
رسائل إلى روائي شاب - ماريو بارغاس يوسا
العيب في الذات الملكية - سيد عشماوي
هنري كورييل - حسين كفافي
نبوية موسى - محمد أبو الاسعاد
سؤال الاخلاق- طه عبد الرحمن
الإسلام والتنمية في آسيا - ماجدة علي صالح
مسيحيون ومسلمون - كريستيان فان نسين
ظل عائشة - محمود حنفي
السياسات الخارجية للحركات الاسلامية - نيفين عبد المنعم سعيد
سياسات الاسلام المعاصر - رضوان السيد
الصراع على الاسلام - رضوان السيد
مصر الخديوية، نشأة البيروقراطية الحديثة - روبرت هنتر - ت: بدر الرفاعي
كلبي الهرم ، كلبي الحبيب - أسامة الدناصوري
أباطيل وأسمار - محمود محمد شاكر
الاسلام والعلم ، مناظرة رينان والأفغاني - ت: مجدي عبد الحافظ
المجتمع المدني ، دراسة نقدية - عزمي بشارة
الانتفاضة والمجتمع الاسرائيلي - عزمي بشارة
التثبيت والتكيف في مصر - جودة عبد الخالق ، ت: سيمر كريم
الدنيا أجمل من الجنة - خالد البري
اعمال العقل - لؤي صافي
islamic roots of capitalism -peter gran
مشاهد من قلب الجحيم - ادريس علي
رائد الفكر المصري ، الامام محمد عبده - عثمان أمين
the social origins of egyptian expansionism during the muhammed ali period- fred lawson
making big money in 1600 - nelly hanna
شيعة العراق - اسحق نقاش
لكل طريقته - ليوناردو شاشا ، ت: عامر الألفي
العالم البرجوازي الزائل - نادين جورديمر ، ت: سمير عبد ربه
المذنبة - مارجريت أتوود - ت: سحر توفيق
اليوم السادس- أندريه شديد ، ت: حمادة ابراهيم
قصة حب أكتوبرية - عمرو عافية
حكايات أمينة - حسام فخر
يا عزيز عيني - حسام فخر
رؤية الرحالة المسلمين للأحوال المالية والاقتصادية لمصر في العصر الفاطمي - أمينة الشوربجي
القلعة البيضاء- اورهان باموك - ت: ايزابيل كمال
الرجل البطيئ - ج.م. كوتسي ، ت: عبد المقصود عبد الكريم
الحياة الجديدة - أورهان باموك ، ت: سها سامح حسن
أوائل زيارات الدهشة - محمد عفيفي مطر
الأمالي - خيري شلبي
الظاهر بيبرس - عبد العزيز حمودة
النهر الخالد ج1،2 - جاويد اقبال ، ت: ظهور أحمد
اغاثة الامة بكشف الغمة - تقي الدين المقريزي
خدمات مستشفى الطلبة بجامعة القاهرة ، رؤى المستفيدين والعاملين - كمال المنوفي، علي الصاوي

Michel Hanna said...

أسامة: شكرا على المشاركة.
المجهول: إيه يا عم القايمة المرعبة دي :)

Mirage said...

مسيو ابراهيم وزهور القرآن لأريك مانويل شميت

بيروت بيروت .. صنع الله ابراهيم

موسم الهجرة إلى الشمال .. الطيب صالح

وردية ليل .. ابراهيم أصلان

هناك من يرحل وحيدا .. محمد سامى

ليك شوق فى حاجة .. محمد فتحى

جزمة واحدة ملئية بالأحداث .. باسم شرف

الأمكنة المتاحة ضيقة جدا(مجموعة قصصية) ودروب الإبداع(دراسات نقدية) .. حسام عبدالباسط

كلبى الهرم كلبى الحبيب .. أسامة الدناصورى

اعداد من سلسلة بدايات

وهناك كتب لم استطع شرائها لضيق الوقت وذات اليد بالمرة


هو مش ممكن نعمل مكتبة ونستعير من بعضنا؟؟

Veeeva said...

maybe u dunno..anyway أشرف حمدي tagged u ya basha :)

أشرف حمدي said...

مستنى ردك علي التاج يا دكتور ميشيل

Michel Hanna said...

هاشوف حالا
شكرا جزيلا

إبـراهيم ... said...

أنا سعيد ( ده غير إبراهيم ، وبيظهر ف أوقات خاااصة جدًا ) إني لقيت لحضرتك مدونة ، وده معناته إني هتابع كتابات حضرتك هنا ....


مممممممممممممممممممم

ماذا أيضًا ؟
القائمة أنا كاتب بيها موضوع ونص ف المدونة عندي




ياريت حضرتك تبقى تشرفني

لا سيما إن الموضوع ده كان خااص جدًا بالنسبه لي السنة دي

إذ خرجت بأقل خسائر ممكنة

http://anaweana.blogspot.com/2007/02/blog-post.html

Michel Hanna said...

شكرا يا عم إبراهيم (اللي غير سعيد) :)
شرفت المكان.

Anonymous said...

Chicago....
ketab gamed awy..

Wardeyet leil...
Ketab to7fa
I love Ibrahim Aslan..

Michel.. I love your blog..

El3'areeb Eleskandarany..

Michel Hanna said...

شكرا يا غريب
وردية ليل من ألذ كتب أصلان فعلا

Eltekeya said...

"Youssef wal reda2" kaman ketab gamil geddan le Ibrahim Aslan.

El3'areeb Eleskandarany

Anonymous said...

بوست ممتاز جدا يا ميشيل

انا كنت فى القاهرةة بس مروحتش المعرض للأسف
بس دور النشر موجودة فى كل حتة
1-شيكاجو
فضلت انى احتفظ بيها من الدستور عشان انا بحب احتفظ بالعمل من المكان اللى قريته فيه المرة الاولى
و طبعا شىء جميل جدا لما دافع الذكرى يرتبط بدافع التوفير......و نفس النظام يسرى على أولاد حارتنا اللى معايا مصورة من الاهالى

2-أن تكون عباس العبد....للعايدى
جبتها متأخر بعد أربع سنين من نزولها و فرحت جدا انى مجبتهاش بدرى عشان اكيد مكنتش هفهمها وقتها

3-كامى و سارتر
مرجع مهم جدا فى حياة فيلسوفين اثرا الفكر العالمى بكتاباتهما و نزاعاتهما

4-المرايا لنجيب محفوظ
جبتها بعد 35 سنة من صدورها و ندمت انى مكنتش جبتها من زمان....بس اعتقد انى فى قمة السعادة لأن لسة فيه اعمال لم أقرأها لمحفوظ

5-اسطورة نادى الغيلان لأحمد خالد توفيق
تقدم فيها جدا عن رواياته السابقة عن نفس السلسلة واضح ان الدكتور بيسخن فى العدد اللى قبل حلقة الرعب....بعيد عن قفلة الرواية التى لم تكن ظريفة انا بستمتع بكتابات هذا الرجل دون ان اصنفها رعب او اثارة او سخرية...........احمد خالد توفيق انسان مثقف يعرض لك تجاربه فى الحياة عن طريق نافذة يضطر للخرج الينا من خلالها

6-مش فاكر......بس القراية داء لا شفاء منه....و اكيد الاصابة بها لا تقتصر فقط على فترة معرض الكتاب

salateenoo said...

انا اشتريت :
1 - حدائق الأحزان لمصطفى اللباد
2 - اليد الخفية لعبد الوهاب المسيري

Anonymous said...

شيكاغو
تاكسي

Michel Hanna said...

شكرا يا عم عاشور، ويا سلاتينو ويا واحد من الناس :)
أنا كمان قريت شيكاجو بالكاكل في الدستور بس ما قدرتش أقاوم شياكة الكتاب فاشتريته!

Michel Hanna said...

نشوفكم في معرض الكتاب الجاي!