Monday, June 11, 2007

بعد العمر ده كله عايزني أتفرج على أفلام بورنو؟



اكتشفت أن صديقي الكاتب الكبير - وصاحب مجموعة من سلاسل الكتب الشهيرة – يقوم بشراء شفرات أمواس حلاقة ليكشط بها الأجزاء التي يخطئ في كتاباتها حتى لا يعيد كتابة الصفحة بأكملها. قلت له أنه يجب أن يدخل عصر الكمبيوتر الذي جعل عملية الكتابة وتعديلها في أي وقت عملا من أسهل ما يمكن. قال لي: أنا عندي سبعين سنة دلوقت، عايزني بعد العمر ده كله أشتري كمبيوتر وأقعد اتفرج على أفلام بورنو؟!
استغربت رده في البداية، ثم تذكرت أنه في مرة أخرى اشتكي لي عامل بسيط التعليم من أنه اشترى جهاز كمبيوتر مؤخرا ولم يجد عليه أفلاما جنسية!

يعتقد الكثير من الناس في مصر أن أجهزة الكمبيوتر تأتي محملة أوتوماتيكيا بأفلام بورنو. هناك ارتباط وثيق بين الكمبيوتر والبورنو. لكن من أين أتى هذا الاعتقاد؟

1. يبدو أن معظم أجهزة الكمبيوتر في مصر محملة بشكل ما بمجموعة من أفلام البورنو، واسألوا العاملين بمجال صيانة الأجهزة.
2. بعد إعلان وفاة أجهزة الفيديو، وانخفاض أسعار أجهزة الكمبيوتر مع ازدياد كفاءتها، أصبح الهدف الأول الذي يشتري من أجله الشباب الكمبيوتر هو الفرجة على هذه الأفلام.
3. والفرجة على هذه الأشياء على الكمبيوتر أسهل بكثير من الفرجة عليها على أي وسيط آخر، وذلك لما يوفره الكمبيوتر من خصوصية في الفرجة وإمكانية الغلق الفوري عند حدوث كبسة عن طريق الزرين alt وF4.
4. الرخص الهائل لاسطوانات الكمبيوتر حتى أن ثمن الاسطوانة أصبح يقل عن جنيه واحد، مع سهولة النسخ وتوافر كميات هائلة من الأفلام الجنسية التي تأتي عبر أسلاك الإنترنت.
5. انتشار خطوط الدي إس إل وما صاحبه من ازدياد هائل في كمية المواد التي يمكن تحميلها، وتقع دائما أفلام البورنو على رأس القائمة.
6. سهولة التبادل مع الأصدقاء والسمك الرفيع للاسطوانة الذي يمكّن من وضعها في جيب البنطلون أو بين دفتيّ كتاب أو ما شابه.
7. في حالة أفلام الفيديو VHS كان من الصعب جدا على الشاب الحصول على شريط، فضلا عن أنه كبير الحجم وصعب الإخفاء وسريع التلف، ويحتاج نسخه إلى توصيل جهازي فيديو وهو شيء نادر أن تجد شخصا لديه جهازين فضلا عن جهاز واحد، والفرجة عليه مفضوحة لأن الشاب سيضطر إلى استعمال فيديو وتليفزيون الأسرة وهي أجهزة لا تتمتع بالطابع الشخصي، كما أنه يجب الانتظار لوقت مناسب يكون فيه منزل الشاب خاليا ليمكن الفرجة بأمان. هذه المشاكل غير موجودة في حالة الكمبيوتر. انظر فيلم "فيلم ثقافي" للتعرف على المزيد من المشاكل التي كانت تصاحب أفلام الفيديو، والتي جعلها الكمبيوتر اليوم من آثار الماضي.

لهذه الأسباب وأكثر أصبح جهاز الكمبيوتر هو الجهاز الرسمي المخصص لتشغيل أفلام البورنو والفرجة على الصور العارية. ولأن هذا الموضوع – موضوع الفرجة على أفلام البورنو - ذو أهمية فائقة بالنسبة للشباب المصري الذي يعاني من الكبت الجنسي وارتفاع سن الزواج والبطالة وما يصاحبها من فراغ والظروف الاقتصادية الطاحنة، يصبح الهدف الأول لجهاز الكمبيوتر هو تشغيل هذه الأفلام.
شكرا للحكومة الإلكترونية التي حلت مشاكل شباب مصر وجعلت أفلام البورنو في كل بيت!

22 comments:

Anonymous said...

أعتقد أنه من قبيل الاستسهال أن نقول أن الشباب يشاهد البورنو لأنه يعاني من الكبت الجنسي.

فماذا عن استهلاك البورنو بكثافة عالية في البلاد التي تتاح فيها العلاقات الجنسية من سن 16 سنة؟

وماذا عن الرجال المتزوجين وقبل أن يمر ستة أشهر علي الزواج يعود مجددا للبورنو؟

لست أقترح حاليا تحليلا بديلا ولكن لم يرضيني التحليل الشائع لأن الواقع أعمق منه بكثير.

Rami said...

على فكرا انا شباب قصدى شاب من الشباب وبتفرج على افلام
عادى مؤقتا لغاية متجوز
ولما اتجوز ادينى باخد فكرا...... ولا ايه؟

أسامه يوسف said...

أنا شايف يا دكتور إن المعظم واخد بمبدأ السيئه بتعم
يعنى عشان معظم الشباب بينزل أفلام
وبيشوف صور
يبقى الكل بيعمل كده
يعنى واحد صحبى بقوله أن وصلت نت
زعق وقال لى أخلاقك باظت وكلام كتير مالوش معنى غير واحد
الناس فى مصر مابتستخدمش الكمبيوتر صح

Anonymous said...

الأخ أسامة يوسف :
معك حق ، أذكر أن واحدا من مشايخ
الأزهر -اسمه "فرحات السعيد المنجى" - وصف الإنترنت بأنها "لعنة الزمان" ،
فهو و كثيرون جدا غيره لا يرون بها
سوى الأفلام الإباحية و مواقع الدعارة ،
أو على أحسن الفروض وسيلة تلهى
الشباب المسلم عن دينه !
لكنه معذور إلى حد ما ، فعلى الرغم
من أن الكمبيوتر و الإنترنت لا غنى
عنهما لمن يعمل بتخصصات من كل الأنواع تقريبا ، سواء كانت علمية أو فنية أو إعلامية و غيره ، لكننا نعلم بالطبع أن التكنولوجيا أمست تستخدم بغير موضعها ، و الكمبيوتر و الدش و المحمول و نحو ذلك يتم استخدامها فى "الهلس" بأغلب الأحوال !

الريس said...

هو الحكومة الالكترونية مدخلة النت عشان كده..احنا للى بنستخدمه غلط اتفرج على المنتديات الاجنبية الشباب الصغيرين بيعملوا ايه بالكوبيوتر والانترنت بيبرمجوا برامج ومواقع الكترونية ذات افكار رائدة وبتتباع بالملايين..واللى كتب الكرينل بتاع اللينكس وغيره وغيره..مش العيب فى النت او فى الكوبيوتر فيه مشاكل عندنا اصلن لازم نحلها الكبت الجنسى الحباط المتزايد من ظروف العمل والتعليم والحياة بشكل عام والكثير من اسباب الاتجاه للبورنو الحاجة الوحيدة للى الواحد ممكن يفلح فيها فى الظروف ديه

فبركة said...

هاى دكتور ميشيل
انا شريف عبد الهادى
سعيد بزيارتك واتمنى ان نتواصل
وفى هناك بورنو اخر منتشر حاليا على الموبايلات
دى مصيبة اكبر يا معلم لان فى الغالب دلوقت المدرس او الدكتور بيشرح من هنا والطلبة فى عالم تانى
وشكرا لسعة صدرك
بالمناسبة انا مستنى زيارتك لمدونتى المتواضعة

أشرف حمدي said...

ههههههههه
موضوع عبقري بكل ما تحمله الكلمة من معان
يخرب عقلك
بس هو الكاتب ده مين ؟؟؟
لازم تقول ..
تحياتي

semsem said...

الموضوع تحفه من حيت التناول والعرض
تحياتى

البتاع said...

هههههههههههههه

الشيعب المصرى مش مستنى تعدد له فى مزايا الكمبيوتر فى تداول البورن

ده اساتذة الحمدلله

ده القاهرة واخدة مركز على مستوى العالم

آه والله واخدة مركز

احنا متطورين أمال ايه؟؟؟
هههههههه


تحياتى يافندم

Michel Hanna said...

مختار: أكيد الكبت هو أحد الأسباب برضه. أنا ما قصدتش أعمل تحليل شامل لأن حاجة زي دي عايزة أبحاث طويلة، ده كان مجرد كلام في عجالة. شكرا ليك.

Michel Hanna said...

روميو: وجهة نظر برضه :)
أسامة: الموضوع بقى منتشر فعلا لدرجة ان التعميم بقى مش غلط!
الريس: كلام مضبوط.
فبركة: أهلا بيك نورت المكان، والموبايلات كمان بقت مصايب متحركة.
أشرف: شكرا ليك، وهابقى أقول لك لما أشوفك مش هنا طبعا :)

Michel Hanna said...

سمسم: ألف شكر ليك.

البتاع: وتحياتي ليك.

ميشيل حنا: إيه ده، ده أنا باين عليّ وصلت للآخر.
شكرا للجميع!

أحمد المصري said...

نحن بارعون أشد البراعة في استيراد الفاسد.ونبذ المفيد..لا علاقة للأمر بالحكومة الإلكترونية بل بإرادتنا التي لا تريد سوى السيء فقط.
مع تحياتي..
والسلام عليكم.

Michel Hanna said...

العيب مش في الحكومة الإلكترونية طبعا، دي كانت مجرد سخرية.
تحياتي ليك.

Anonymous said...

عزيزى د/ ميشيل حنا

أولا أنا سعيد أنى أكتشفت مدونتك صدفة
وثانيا انا معجب بكتاباتك من زمااان من أيام ما كنت بتكتب فى كلمتنا ووقها كنت برضة بعافر مع كلكتنا لحد ما بقيت عضو تحرير بس ما عرفتش اقابلك
واتمنى أن نكون على تواصل واتصال فيما بعد

موضوعك بقى جميل جدا وتحليلك لذيذ ولو أنه بيعرف اللى ما يعرفش خبايا الكمبيوتر .. لان فى رأيى مش صحيح أن كل الناس عارفة كل حاجة عنه

هو صحيح كون ان الكمبيوتر جهاز شخصى فده خلى من خصوصيته وسيلة مميزة لمشاهدة كل ما لايمكن مشاهدته امام الناس .. بس اكيد برضه فى ناس عارفة قيمته كويس ..

والعيب فعلا مش فى الحوكمة الالكترونية .. ولكن العيب فى الحكومة لوحدها من غير الكترونية لأنها وفرت الالكترونية وما وفرتش مستلزمات البعد عن مساوىء الالكترونية ..!!

Michel Hanna said...

ألف شكر يا عم ماجد
وزي ما قلت فوق اني مش باعيب ع الحكومة الإلكترونية ترخيص الأجهزة، بالعكس دي حاجة كوبيسة، هي بس القافية حكمت.

سعيد انحراف said...

هيه طبعا اسطوانات السيكو سيكو هيه ثقافة الكمبيوتر رقم واحد، لدرجة ان واحد صاحبي باع جهازة عشان يخلص منها، وواحد تاني كان دخل عندي مرة في البيت و لقيته عمال يدور في الكمبيوتر، و بالمناسبة دي مصيبة تانية في جيل البشرية اللي طالعة جديد انهم معنهدمش اصلا حاجة اسمها خصوصية .. يعني داخل بيتي و عمال تقلب في حاجتي سيادتك كنت اختي ولا حاجة
و بعدين اما خلص قالي ايه ده همه فين
قلتله هما مين
قالي السيكو سيكو
قولتله يا باشا معنديش و راح ضرب دماغه في الحيط و راح سيحلي على القهوة قال ايه سعيد انحراف مش راجل

لا طبعا راجل و نص، بس انا السيكو سيكو عندي مش اسطوانات .. و الصياعة مش اني اجيب اسطوانة و اقعد اتفرج بالعكس دا ده العادي النهارده زي ما الويد ما هو عادي في المعادي برضو

Unknown said...

لما واحد يبقى عنده تلاتين و أربعين سنة و عمره ما مسك ايد بنت متوقع منه ايه ؟؟؟

و حتى المتجوزين جواز صالونات مفيهوش ولا حب ولا عواطف وكل تفكيرهم بيبقى فى الشبكة و الشقة و الشغل هل دول حيلاقوا اشباع جنسى من علاقتهم بزوجاتهم ؟؟

أنا شخصيا بتفرج على الأفلام دى من زمان و لما حد بيقول لى حرام بقول له طب حلها لى أنت بقى بمعرفتك !!!!

Unknown said...

و بعدين زمان كان الواحد بيتجوز و يشبع رغباته بطريقة طبيعية من أول البلوغ من غير مشاكل ... وفى العالم كله العلاقات الجنسية مباحة للشباب بأقل العوائق

دلوقتى انا عندى 23 سنة و قدامى - على الأقل 5 - 6 سنين تانى عقبال ما أفكر فى جواز ... ايه الحل بقى ؟؟

أعد أقرا و أسمع عن الصبر و مكارم الأخلاق لحد ما الأكتئاب يشلنى ... ولا أخف الضررين أسهل ؟؟؟

الموضوع سئ بس البديل أسوأ

تحياتى يا ميشيل ... و لو اتخنقت من كلامى فلوم وائل عباس عشان أنا عرفت مدونتك من هناك :)

Michel Hanna said...

أحييك على صراحتك. نورت البلوج انت ووائل عباس.
تحياتي.

ronel_elswda said...

امممممم ياجماعة الدكتور بيتكلم على نظرة الناس للكمبيوتر..بس اعتقد حاليا بقت للنت .
بشكل ابسط ..لما قلنا لأهلنا عاوزين نت قالوا لا..ليه ياجماعة اصل النت فيه حاجات وحشة ..وبتاع وكده
طب ياحاج(بابا يعنى ) الحاجات ديه بتروح للى بيسعالها ..يعنى لو دخلت وكتبت كلمة واحدة بتدل على الكلام ده هاتلاقى ملاين المواقع فيها الكلام ده
ماما بقى: يالهوى !
قلتلها اومااااااال ياحاجة ..بس انتى مش واقة فينا ولا ايه ؟ اللاه
طبعا النت دخل والحياة زريقة واللهم احفظنا من البتاتيع ديه ..
اذن الكلام عن الفكرة العلط اللى متاخدة عن النت والكمبيوتر والدكتور مش بيقول على الشباب كلهم طبعا ولا عمم السيئة ولا يحزنون ..الفكرة ببساطة اللى على راسه بطحة .
الاستاذ الاخير ..أحمد بدوى ..اتفرج يا اخويا وماله براحتك احنا مش هانكئيك ولا حاجة يا لهوى احنا نقدر..بس ببساطة كده مش تقولنا احنا الكلام ده ابقى اقوله لربنا احنا مالناس دعوة ولا ايه ؟؟

تحياتى ليك استاذ ميشيل حنة ولك كل احترامى وتقديرى يا استاذنا:)

Michel Hanna said...

ميرسي يا رونيل على الدعم المعنوي :)