Wednesday, April 30, 2008

رسائلي للشمس


رسائلي للشمس
تعود دون أن تمس
رسائلي للأرض
ترد دون أن تفض
يميل ظلي في الغروب دون أن أميل
وها أنا في مجلسي القانط
وريقة وريقة
يسقط عمري من نتيجة الحائط

أمل دنقل

9 comments:

Zianour said...

الله!! امل دنقل!! انا بحب القصيدة دي قوي.. انت اقتطعتها..بس المقطع جميل وعلى غير العادة هادئ!!!
تحياتي

Rain_Drops said...

دي من أنهي قصيدة بالضبط ، عشان فيه ناس كتير زيي البانجو بيبهدلها

مصــــري said...

مقطع رااااااااااااائع جدا يادكتور
لكن هل ممكن تقواي اسم القصيدة

Michel Hanna said...

تحياتي لكم جميعا
لكن صدقوني مش فاكر دي من أنهي قصيدة
أصل أنا كنت بانقل الأبيات اللي تعجبني في كشكول لوحده ونقلت لكم الأبيات دي من الكشكول، لكن القصيدة في الغالب في ديوان أوراق الغرفة رقم 8.
وعموما اللي عايز يقرا أمل دنقل لازم يقتني الأعمال الكاملة اللي طلعت عن دار مدبولي، وفيها كمان قصائد رائعة ما اتنشرتش قبل كده في دواوين.

H. M. H. said...

أنت أيضاً ممن يجمعون الاقتباسات التي تعجبهم في كشكول!
رائع!
مثلك، لا أنقل عناوين الكُتب، وفي أحيانٍ كثيرة لا أنقل عناوين القصائد. وأطلق على الاقتباسات أسماء من عندي، غالباً.
مصادفة جميلة أخرى.
تحياتي القلبية دكتور..

Michel Hanna said...

ناس كثير كده على فكرة مش أنا وانت بس
لكن معظم الناس لا تعلن عن هذه الكشاكيل العجيبة :)
مؤخرا بدأت أستخدم البلوج لوضع الاقتباسات بدلا من موضوع الكشاكيل هذا.
تحياتي القلبية.

Zianour said...

على فكرة انا كمان عندي كشاكييييييل والقصيدة دي اسمها الموت في لوحات والمقطع دا من اللوحة الاولي واللوحة التانية عن موت اخته رجاء في سن الثالثه
وهي من القصائد "الهادئة" لأمل دنقل
تحياتي
زيانور

Rain_Drops said...

كويس إن طلع فيه واحد البانجو مش مأثر فيه قوي ، شكرا جزيلا :d

Anonymous said...

د/ ميشيل حنا :)..
فى وجودك انت ودكتور أحمد خالد توفيق ، الواحد بيحس ان الدنيا ابتسامة حلوة وكبيرة..
أنا سعيدة جدا جدا آخر حاجة انى لقيت بلوج ليك ، أقدر أدخل وأقرأ أفكارك اللذيذة براحتى :)
أنا....مفيش هدف معين من كتابتى غير انى أعبرلك انت أد ايه حد جميل انت ودكتور أحمد خالد توفيق ، و...بتخلونى احس بالأمل فى حاجات كتير
شكرا:)....
غدير