انفراد: طبعا عارفين الست السودا اللي القط توم ساكن عندها، واللي عمرنا ما شفنا غير رجليها في حلقات توم وجيري. (اسمها مامي على فكرة).
الست دي وشها ظهر لأجزاء من الثانية فقط في حلقة واحدة من حلقات توم وجيري، ولا يمكن ملاحظة وجهها إلا بإيقاف حركة الفيديو.
الحلقة اسمها Saturday Evening Puss، وآدي اللقطة أهي:
الست دي وشها ظهر لأجزاء من الثانية فقط في حلقة واحدة من حلقات توم وجيري، ولا يمكن ملاحظة وجهها إلا بإيقاف حركة الفيديو.
الحلقة اسمها Saturday Evening Puss، وآدي اللقطة أهي:
(يمكن الضغط على الصورة للتكبير)
ادعوا لي بقى علشان حققت لكم حلم من أحلامكم المستحيلة!
21 comments:
post simple wgameel awi ya Dr. :)
Here u can watch the film
mnta khlas 3reft elsekka b2a elmfrodd :D
http://www.youtube.com/watch?v=j6APzyPHyOQ
روح يا ميشيل يا ابن ام ميشيل ينولك مرادك و يحققلك اللي في بالك و يعلي مراتبك
really, how did u find it? i thought i would never see her face, u r a genius, thanks.
salam
أيوة بجد! أنا فاكرة أصلا كل ما كانت رجليها تظهر أقعد مترقبة وشها هيظهر إمتى
متشنكريييييييييين
:)
تدوينة عبقرية لن يعرف قيمتها الا المحترفين وأصحاب المزاج العالي
تحياتي لدماغك يا دكتور
قشطة عليك يا ميشيل
أنا فاكره ان أنا فعلا زمان كنت بابقي متغاظة جدا اني ما بشوفش الست دي
وماما كانت تقعد تقنعي ان الست دي بتظهر في كارتون يوم الجمعة الصبح بدري
عشان تضمن ان أنا أصحي بدري في يوم الأجازة عشان نلحق النادي
وعمرها ما جت
مع اني كنت باصحي بدري
عموما ميرسي ليك مووووت ولا الحوجة لماما :)
ألف شكر ليكم يا جماعة. رنا يجعل دعواتكم مقبولة!
شكرااا شكراااا
حققتلي احد احلام الطفولة البعيدة
marvelous
على فكرة انت رجعتنى عشرين سنة لورا...مبسوط...؟ اكيد مبسوط..واكيد برضة هتابع البلوج بتاعك
شد حيلك...وحاول ترجع الطفل اللى مات جوانا
ريفينديل ومي وفان جوخ: الشكر لكم جميعا.
هاى ياميشيل
حاجة مالهاش علاقة بحاجة
تصور انا برجع بالسكرول بالصدفة البحته
بحته والله لتحت
اذ بى افوجئ
انى على البوست اللى بتتكلم فيه على الكتب اللى جبتها من معرض الكتاب
تصور لقيت ان فيه 10 كتب مشتركة؟؟!!!!!!!!
انا بقيت بعد وانا مستغربة
لان معظم الكتب دى صحابى مسخرونى عليها
حد يقرا الدى يمشى خلف الصفوف؟ انتى عبيطة والله..
وكثير من هذا القبيل بقى
بس بجد بجد اتبسطت ان فيه حد زيى
اشكرك بشدة على التضامن الغير مقصود :-)
على فكرة انت حققتلى حلم فعلا كنت بحلم بيه
انى اشوف وش الست دى
دايما كنت بشوف رجلها واقول هيجيبو شكلها فى الاخر
ومكانتش بتيجى
وانا صغير كنت بفتكر ان العيب فى التلفزيون
اكييد صغير اوى ومبيجيبش وشها
بعد ما كبرت بقى فهمت التيتة
بس برضه فضلت احاول اشوف وشها
فكرتنى بجزء تانى من احلامى
كنت احب ان توم هو اللى يكسب جيرى
كان بيصعب عليا
ودايما كان جيرى بيفشخه
يا ريت بقى تحققلى الحلم ده
:)
ربنا يحققلك كل أحلامك زى ما حققتلى أحد أحلام طفولتى الهادئة
أخيراً عرفت شكلها
كنت بحب صوتها أوى
و خصوصاً لما تصرخ
ياريت ياميشيل تحقق باقى
احلام طفولتى
1- ان تيتا تاخدنى فى حضنها وتحكيلى حدوتة زى جدات الحواديت
2- ان سانتا كلوز يعدى على بيتنا فعلا ويدينى هدايا
3- ان الدنيا تمطر تلج
دول اللى فاكراهم دلوقتى
ووعد اول ماافتكر تانى حقولك
;-)
المجهولة: الشكر ليكي.
زورديك: توم كان بيكسب الجولة في بعض الحلقات، لكن أقل بكثير من حلقات جيري. تصدق أنا كمان بيصعب عليّ توم جدا لأن بيتعمل فيه حاجات في منتهى السادية. حاجات تقطع القلب. ساعات قلبي بيوجعني عليه!
أحمد بلال والبتاع: شكرا جزيلا لكما.
اديه بجد!!!
انت بقت كدة
الساحر أوز!!!!!
فعلأ ميرررررسي كتير
بعد كده أي حد عايز حاجه هيطلبها منك!!!!!!
سابرينا: انت تؤمري :)
يا خراشى عليك بجد عفارم.
تصدق بالصدفة كنت بتكلم مع بنت خالى على الست دى اللى كانت دايما تقول:(توماس!!)وتروح هبداه بالمقشة.
لقيت بنت خالى بتقول :(أنا كنت بتخيل انهاماما) عشان مامتها سمرا شويا و تخينة حبتين :) والآن تأكدت انها مرات خالى فعلا!!
بحبك يا مرات خالى
هههههههه.
تحياتي ليك. ولمرات خالك!
Allaaaaaaaaaaaah
7elwa awi
Thanks a lot
شكرا ليكي :)
Post a Comment