Monday, April 30, 2007

قارة زينهم المفقودة


قصتي قارة زينهم المفقودة التي نشرت في كتاب بنفس الاسم في سلسلة مولوتوف لقيتها منشورة في منتدى من المنتديات. (مش هاحط وصلة للموضوع علشان ما اعملش دعاية للمنتدى أولا، وثانيا علشان لازم تكون مشترك في المنتدى علشان الوصلة تشتغل)

واحد من أولاد الحلال نقلها من الكتاب وحط عليها اسمه.

الموضوع ده أنا أخذت عليه خلاص وما عادش بينزفزني. يمكن أنا أكثر واحد في التاريخ كتاباته بتتسرق سواء من النت للجرايد أو من الجرايد للنت ومن النت لبعضه ومن الجرايد لبعضها كمان. قعدت أقرا التعليقات على القصة والناس الحقيقة شكرت الحرامي جامد على الموضوع الجميل وأكثروا من الثناء. لكن اللي لفت انتباهي حاجة: لقيت واحد داخل يشتكي ان الموضوع ده منقول من موضوع كتبه لمنتدى تاني غير المنتدى ده، يعني واحد حرامي بيشتكي من واحد حرامي تاني. أو ممكن تقول الحرامي الأصلي بيشتكي من الحرامي الصغير!

على العموم مشرف المنتدى وعد الحرامي الأصلي في تعليقه إنه هيتخذ إجراءات تحد من عملية النقل والسرقة من المنتديات التانية.
Post a Comment