لم تجعلني الأفلام الدينية التي شاهدتها في طفولتي أتعاطف مع الإسلام، كنت وقتها معجبا بالكفار وأراهم – كما صورتهم لي الأفلام – يعيشون الحياة التي أحلم بها كمراهق، حياة مليئة بالهو والنساء والجواري المكلبظة اللواتي يرقصن بملابس شفافة.
***
لست من أنصار إطلاق لقب (فن) على شيئين الإغراء والرقص الشرقي، ولجملة (فن الإغراء) أثر في نفسي مشابه لجملة (الفوضى الخلاقة)، ولجملة (أقبل الإغراء إذا كان في سياق الدراما) نفس وقع جملة (ممكن أروح معاك لو عندك مكان)!
ابن عبد الحميد الترزي
عمر طاهر
19 comments:
هية انا اول تعليق .ازيك يادكتور ميشيل ممكن اعرف مين ابن عبد الحميد الترزى دة ولية الكتاب اتسمى باسمة وصحيح فن اية دة اللى الست تطلع وتعرى جسمها ويبقى دة فن كنت عاوز اساللك هوانت متفق مع اراء الكاتب؟امتى حضرتك بتنزل البوستات وكم مرة فى الشهر؟واية اللى بيتكلم عنة كتاب برسيم دوت كم وعالم كلينكس وعاوز اعرف سعرهم واماكن بيعهم علشان اروح اشتريهم.بس خلاص
ممكن اسال سؤال برتة الموضوع انا كل لما اجى احمل كتب او اى حاجة توقرأ مابترضاش تظهر احيانا تيجى لغة غريبة كدة وساعات ما تجيش حا جة خالص ممكن اعرف اسم البرنامج اللى بيظهر الكتب و ولو ممكن رابط لتحميلة
عشان الاقتباس دا انا هشتري الكتاب
كعادتك يا دكتور بارع بحق في تقديم ما تريد
تحياتي لك و اتمني ان القاك قريبا
إيهاب
على العموم انا كنت هاشترى الكتاب
بس حلو الاقتباس ده
ملفت للنظر و مثير
كتاب مسخرة فعلا و ما تبطلش ضحك و انت بتقراه و انتو عارفين بقى عمر طاهر لما يتكلم عن حاجة .
كل جزء فى الكتاب أحلى من التانى و بانصح الجميع انهم يشتروه
و فليكن...قصدى بيس يا مان.
اشعر بتناقض كبير بين الاقتباسين!
الفوضي الاخلاقة= الاغراء الذي في السياق....!!د
الاجزاء التي تختارها من الكتب تكون احيانا كقلم هايلايت اصفر
سارة شحاتة
يا دكتور انت فين مابتردش لية على االتعليقات على اى حال انا دخلت موقع دار ليلىوعرفت كل حاجة انا دوخت عليهم فىوسط البلد ومالقيتهمش ياعنى انا رايح علشين اجيب كتبك .طلعت من هناك بكتاب تاكسى وواحة الغروب وفيلم دبور فى السينماهو انت لية ما بتعملش نقد للكتب على فكرة انا الشبح بس مارديتش اخش باسمى علشان مخنقش
الشبح: أنا آسف جدا على الـأخير في الرد. معلش ظروف الشغل بقى.
أنا قريت كتاب ابن عبد الحميد، وعمر طاهر مش جايب سيرته خالص فيه!
هو غالبا إيفيه متاخد من فيلم قديم.
بالنسبة للكتب، هي موجودة في دار ليلى نفسها، أنا مش عارف الحقيقة هو موزع فين، بس الأكيد انها موجودة في مقر الدار في 23 شارع السودان - الدقي.
معلش أنا آسف ع المشوار اللي ضربته ع الفاضي، هي مشكلة التوزيع في مصر مشكلة مالهاش حل.
بالنسبة للوورد فأعتقد انه فيه مشكلة عندك في تستيب اللغة العربية في الويندوز.
افتح الكونترول بانيل وبعدين regional settings واعمل أي حاجة تلاقيها عربي.
إيهاب عمر: ده انت اللي بارع يا أستاذنا. كفاية اني شفت غلاف كتابي أول مرة في مدونتك!
أحمد بلال: والكتاب يستاهل الشراء
رضوى: بيس
سارة: أنا عندي نفس الشعور بس كنت مكذب نفسي.
برافو عليكي انك لاحظتي ان الأصفر ده مقتبس، بقالي 3 سنين باعمل كده بس ما حدش واخد باله :)
تحياتى يا دوك
انا كنت عايز انهى حيرتكم عن اسم الكتاب
هو مقتبس الاسم من
المونولوج الشهير بتاع ثلاثي أضواء المسرح لما كان الضيف احمد الله يرحمه بيعلن عن فيلم ( عودة الندل) وبيقول
عودة الندل أقوى أفلام الموسم، الفيلم الكوميدي التراجيدي الراقص الذي أبكى وأضحك الكثيرين
فيلم عودة الندل بطولة عبد الحميد الترزي
انتاج أبو عبد الحميد الترزي
مونتاج ابن عبد الحميد الترزي
باتيناج بنت أخت عبد الحميد الترزي
مكساج بنت خالة عبد الحميد الترزي
على فكره المنولوج ده انا بحبه جدا وخصوصا الجزء بتاع الضيف احمد وكنت بسمعه زمان كتير ف الراديو لكن للاسف معدش بيجى دلوقتى
تحياتى يا دوك
انا كنت عايز انهى حيرتكم عن اسم الكتاب
هو مقتبس الاسم من
المونولوج الشهير بتاع ثلاثي أضواء المسرح لما كان الضيف احمد الله يرحمه بيعلن عن فيلم ( عودة الندل) وبيقول
عودة الندل أقوى أفلام الموسم، الفيلم الكوميدي التراجيدي الراقص الذي أبكى وأضحك الكثيرين
فيلم عودة الندل بطولة عبد الحميد الترزي
انتاج أبو عبد الحميد الترزي
مونتاج ابن عبد الحميد الترزي
باتيناج بنت أخت عبد الحميد الترزي
مكساج بنت خالة عبد الحميد الترزي
على فكره المنولوج ده انا بحبه جدا وخصوصا الجزء بتاع الضيف احمد وكنت بسمعه زمان كتير ف الراديو لكن للاسف معدش بيجى دلوقتى
حلو يا ميشيل ، مممممممممممم ، بحب كتب عمر طاهر لأنها خفيفة وفيها المفيد ، ماخف وزنه كده .....
واحشنا يا مان
رمضان حلو عليك
مجدي: تحياتي ليك وشكرا على المعلومات
إبراهيم: كل سنة وانت طيب وصوما مقبولا
Post a Comment