شاهدت اليوم منظرا غريبا جدا وأنا أسير في الشارع.
فتاة منقبة، لكن بنوع جديد من النقاب لم أره من قبل. النقاب الجديد بلونه الأسود التقليدي يغطي من أول الرأس وحتى الكتفين فقط، مع ملابس عصرية عادية أسفله! وهناك تلك الفتحة المستطيلة التقليدية للعينين. كانت الفتاة تضع ماكياجا ثقيلا في عينيها، الكحل والماسكارا مع تظليل الجفنين، والحق أن عينيها آية في الجمال!
الأكثر غرابة هنا أنها كانت تسير في الشارع برفقة شاب -لعله خطيبها أو حبيبها- وهما ملتصقان معا ومتشابكا الأيدي. لم أقل لعله زوجها لأن الأزواج لا يسيرون هكذا في الشارع فعادة ما يحمل أحدهما أكياس الطلبات بينما يجرجر الآخر العيال.
حسنا، انتهى المنظر، ولا أظن أن هناك تعليقا يمكن أن يقال.
38 comments:
بس ده عادي علي فكرة احنا معانا واحدة كده في الكلية مكحلة عنيها وبتحط بارفان جامد اوي ريحته بتضرب وهي ماشية عادي
مش عارف أقول إيه بس اللى أتمنى أعرفه من القراء .هما بيشوفوا ده دليل على ايه
التدين يا ميشيل بقي تدين وهمي خارجي مجرد رتوش وقشور بنستخبا جواها
لكل مجتمع إيجابياته وسلبياته , المجتمع الأسلامي له سلبياته ذى اللي انت ذكرتها دى , والمجتمع المسيحي له بردوا سلبياته اللى انت مبتتكلمش عنها خالص !
ده تدين وهمي
بس ده مش دليل علي إنه مفيش تدين
أو هو ده التدين الصحيح
صلي علي النبي
صلوا عن نبي يا مثقفين بصوا علي عنيها كون بحالوا
ليه خلتها المجتمع الأسلامى والمجتمع المسيحى - ليه خلتها كده - علشان كده انا مردتش اقول رأيى بس على فكرة التدين الظاهرى موجود فى المجتمع المصرى ككل -لأن الأنسان المصرى بيحب يبان أنه متدين
أنت إنسان متعلم وبتفكر بشكل يبان متعصب دينيا - ما بالك بالأنسان الجاهل - راجع أفكارك
أنت إنسان متعلم وبتفكر بشكل يبان متعصب دينيا - ما بالك بالأنسان الجاهل - راجع أفكارك
على فكره انا على طول بقرا هنا من غير مااعلق
والمره ديه برده كان نفس الوضع
والموقف استفزنى فعلا
بس اللى استفزنى اكتر هو الرد الغبى من المفضفضاتى
ليه خلتها سلبيات مجتمع مسلم ومسيحى
دبه سلبيه فى المجتمع المصرى
ومستفزه للمجتمع المصرى
واللى بيرصدها شباب مصرى
وبيعلق شباب مصرى
بجد انا اتنرفزت من ردك مع انى كنت متوقع رد بالسخافه ديه فى التعليقات
راجع كتابات د/ميشيل حنا قبل ماترد رد زى ده
يا مفضفضاتى بعد 1358 سنة بتقول مجتمع مسيحى ومجتمع مسلم
ده لا تدين و نيله سودا
ده الى اسمه المد الخليجى
البنت دى و الى زييها لو دورت و نعبشت حتلاقيها عاشت فتره فى الخليج
الى الشكل ده بيكون تحايل على المجتمع
يووووووووه
يابنى هاتلاقي من ده كتييييير
بعض الناس قصرت تدينها على تغطية الوش ومش مهم الباقي
زى ماهتشوف واحده مغطيه شعرها ولابسه برمودا.. عادى جدا ماهما فاهمين ان الحجاب تغطية للشعر وبس
المشكلة مشكلة اجبار
بجد الناس دى لو مش مجبره انها تلبس كده كانت هاتبقى اكتر احتشاما
تحياتى :)
كل هو بيشوف التدين من وجهه نظره بس ايه الصح وايه الغلط احنا بجد تايهين بس عموما كل واحد ليه علاقته مع ربنا اللي ربنا وحده بس يعرفها
مدونه حلوة ..تحياتي
للأسف لو كتبت تعليق
فى ناس كتير هاتعترض على كلامى
لذا أكتفى بالصمت
و لكن بعيداً عن الموضوع تماماص وجدت فى أحد المنتديات أحدهم و قد سرق مقالك عن الافلام المثيرة للجدل العشرون
http://www.motamizen.com/vb/t3918.html
فى الأول خفت أكتب تعليق - لأنى حسيت إن كلامى هيتفهم على إنى واحد مسيحى بيعلق على ظاهرة تخص ملابس دين أخر وكنت متأكد إن كلامى هيتفهم غلط واللى أثبتلى إنى صح تعليق المفضفضاتى - وبعدين قرأت تعليق بمبو الجميل وقلت فيه ناس بتتكلم بدون خوف أو عقد ففرحت - وبعدين أحمد بلال يخاف القراء يعترضوا على كلامه فيكتفى بالصمت - شكرا لبمبو اأنه حسسنى إن لسه فيه ناس مابتخفش تقول رأيها
وشكرا لأحمد بلال إنه حسسنى إنى مش وحدى اللى بيخاف من أعتراض الناس
محمود مخلص: عادي في المعادي!
ميشيل مجدي: صديقي المخلص، شكراليك على متابعتك واهتمامك بالتعليق.
محمود علي: ده صحيح للأسف
مشكلتنا هي الازدواجية
ما فيش حد متدين بينه وبين نفسه
وفي نفس الوقت ما فيش حد بيعترف انه مش متدين
المهم يعرف يمثل على الناس
المفضفضاتي: لو متابع المدونة هتلاقي اني انتقدت أوضاع مسيحية في نفس المكان هنا
أنا باكتب كمصري مش كمسيحي أو مسلم
عاشق الجنة والمجهول وبمبو: كبر كبر يا عم الحاج!
حرية ووينكي وأميرة: شكرا لكنّ
كويس ان لسة فيه ناس عقولها متفتحة زي قراء المدونة دي :)
أحمد بلال: اتكلم يا صديقي يعني هيجرى لنا إيه أكثر من اللي جرى لنا؟
ميشيل مجدي: فيه حاجة اتعلمتها بعد سنوات من التردد
لازم علشان يكون لي رأي هيكون ليّ أعداء
ما أقدرش أرضي كل الناس يا إما كان جحا قدر من قبلي
ولو حاولت أرضي كل الناس هابقى إنسان مايع بدون طعم
فعلا عندك حق يا دكتور وليكن ما يكون - أرجو سرعة كتابة مدونة أخرى وعدم الأنتظار كالعادة فترة طويلة
غالبا لابساه عشان تعرف تمشي المشية دي دون ان يتعرفها احد!
المهم في البلد انه يلبس واسع وحجاب ويقصر البنطلون..انما باقي الشكليات الاخلاقية والجوهرية دي اكسسوار!
ملابس عصرية يعني ايه؟
بنطلون وبادي
ولا تايير
ولا جيبة وبلوزة؟؟
-
عندك حق تمامًا في الاستغراب من المنظر الغريب أو المتناقض بتاع النقاب مع المكياج.
خصوصًا إن النقاب معناه منتهى الزهد في المظهرة والزينة،وأكتر منظر يبعد الواحدة عن النظر إليها .
-
بخصوص الحد اللي ماشي معاها،
مايحكمش..حتى لو الغالب في الأزواج إن حد شايل الأكياس والتاني مجرجر العيال.
في احتمال إنهم يكونوا في أول الزواج (يعني متجوزين يادوبك)..لأن في الغالب الرومانسية كلها للمنتقبة مش قبل كتب الكتاب والزواج أساسًا.
--
أنا عارفة إنك وصفت المشهد كما رأيته،وقلت انطباعك على طول..مش قصدك حاجة معينة.
عشان كده بأسجل إعجابي بعفويتك،وأتمنى إن الخوف مايكنعكش يوم من ابداء خواطرك أو أفكارك)
ودي فرصة كمان لتحيتك،كواحدة من المتابعين :)
هو النقاب هيمنع المراة تكون امراة؟؟
هو ده السؤال
وانا شايفة انه شىء عادي جدا
كل واحدة ست عايزة تحس انها متميزة وحاسة بذاتها زي كل انسان
والنقاب اصبح زي بس الانسان هو الانسان في النهاية
انا شفت ده كتير..
المهم انت صورتها ازاي ومن الزاوية دي؟؟
هو ده السؤال
:)).
سارة: هي دي المشكلة فعلا
مافيش أخلاق حقيقية
فيه شكل أخلاقي بس
ميست: بنطلون وبلوزة
وشكرا جزيلا ليك
زيانور: لا مش أنا اللي مصورها طبعا
كانوا رجموني في الشارع!
دي صورة من الإنترنت
فكرتني مرة كنت في بلد فلاحين وطلعت الكاميرا من شباك العربية وصورت نافورة في ميدان، لقيت البلد كلها بتشاور علينا في العربية وبتقول واحد بيصور
وطلعنا نجري قبل ما يقفشونا!
كل ده على نافورة وما فيش جنس أنثى في الميدان
مابالك بقى لو صورت واحدة منتقبة ؟
عارف ياميشيل .. انا كنت في السعوديه فتره ما .. وصدقني لبس العبايه والنقاب كان مجال اغراء رهيب هناك .. السعوديات ربنا اداهم جمال في العيون واداهم فلوس يفصلو عبايات ونقاب اخر حلاوه .. زيي الصوره الي انت حاطتها دي مع مراعاه انو في بعض الاحيان كان فيه خصل شعر تهفهف قدام العيون
النقاب في مصر حاجه كدا موردتش على ولا دوله من دول الخليج .. فعادي بقى .. هما في السعوديه مثلا بيلبسوه غصب عنهم بس برضو بيعملو الي عايزينه وبيطلعو بالصوره الي ترضيهم وهنا النقاب حاجه كدا مسخ لاتتعرف دا تدين ولا مخبيه جمالها ولا مفروض عليها ولا مستخبيه من الناس
كبر دماغك
مساله الحجاب اوغبره فكر مستورد خليجي والمجتمع المصري طبع علي استقبال كل ماهو مستورد بشغف ولهفه دون تروي اوتنقيه غيره يخطط والاخر يلتقط الطعم بنهم وارجع بالذاكره لايام الميكرو جيب والميني جيب والبنطلون الشارليستون وافلام جاكي شان وايه الاستوك ده حتي وقتنا هذاوايام النقاب الذي ماخفي تحته كان اعظم
علي العموم كل عام وانت بخير وتمنياتي بايام مقبله يكون فيها العالم اقل ضراوه وعنف اكثر ثقافه وتحضرواكثر ميلا لتفبل فكره التعايش مع الاخر وتقبله بسلام وحب وموده تمني معي ان تكون سنه للحب2010
schizophrenia
هي الناس أصلها مش بتحب تفكر ... و مش بتحب تصدق انها اتخدعت لو كانت مخدوعة وقت طويل ...
قصدي ان دي مثلا عارفة انها عاملة حاجة غريبة و هي مش راضية عنها و حاسة بعدم جدواها فبتاخد رد فعل يخليها تعمل الشئ الغريب و متعملهوش في الوقت نفسه
انا أقولكم ده دليل على ايه
دليل انها بنت زي كل البنات .. بتحاول تبقى كويسة لكن احيانا بتعمل حجات غلط ..
كل البنات و الستات بيجيلها اوقات بتحب تفرح بنفسها و تحس ان الناس شايفينها حلوة
البنت اللي مش محجبة لما تجيلها الحالة دي تلبس ميكرو و مفتوح او بيكيني لو ينفع
البنت المحجبة لما تجيلها الحالة دي تطلع حتة من شعرها و تلبس ضيق و تحط ميك أب مش بتاع محجبات
البنت المنقبة بتجيلها الحالة برضة .. مش ملاك .. بس اخرها مهما عملت هتعمل ايه يعني .. تحط كحل و تقلع الجونتي
متقسوش على الناس يا جماعة
بجد مشكلتنا كلنا اننا بنبص لغلطة الناس الي عليهم سمات الاستقامةانها حاجة لا تغتفر لانها متطلعش منهم و هما مش ممكن
يغلطوا و ده مش حقيقي
الانسان لما بيقرر يمشي على الصراط المستقيم بيبقى ايمانه عالي قوي
لكن مبيفضلش كده طول الوقت الايمان يزيد و ينقص
ربنا يجعل خير اعمالنا خواتمها
اكتر تعليق عجبنى هو تعليق امانى ودة نفس رايي
Post a Comment