Sunday, March 23, 2008

كونان البربري


لطالما كنت مفتونا بقصص كونان البربري المصورة التي كانت تنشر في مجلة طرزان اللبنانية، برسوماتها المتقنة ولغتها الشعرية وأحداثها الغريبة الساحرة.
وقد جعلني هذا متشوقا لرؤية فيلم كونان البربري الذي قام ببطولته أرنولد شوازنجر عام 1982، والذي ظللت أبحث عنه لفترة طويلة، إلى أن وجدته أخيرا، وليتني لم أجده!
شوارزنجر بتمثيله المتخشب قادر على إفساد أي شخصية، وهو لا يصلح في رأيي سوى لشخصية المدمر The Terminator، ذلك الإنسان الآلي عديم المشاعر. الفيلم أيضا يتمتع بنوع من العبط على مستوى السرد، وهو شيء يمكن أن يكون مقبولا إذا كان تاريخ الإنتاج يعود إلى الأربعينات، على غرار أفلام هاريهاوزن الفانتازية، وليس إلى الثمانينات القريبة.
لكني برغم هذا لن أترك الفيلم يفسد حبي لكونان البربري، برغم أنف أرنولد شوارزنجر

14 comments:

Anonymous said...

طيب كنت اسالنى الاول يا ميشو قبل ما تتفرج

ده فيلم مستفز انا شفته من زمان وقررت ماشفهوش تانى

ملحوظه:شكرا على اهتمامك بسؤالى عن

south parkترجمه فيلم
انا اتفرجت عليه من غير ترجمه وبصراحه طلع فيلم مجنون مجنون مجنون لاقصى درجه
واساسا مينفعلوش اى ترجمه

أحمد منتصر said...

ده فيلم غبي

Yasser Hussein said...

أرنولد أصلا مش ممثل
ده بطل سابق لرياضة كما الاجسام
ولا ينقل أي تعبير أو انفعالات بوجهه إلا كما ذكرت أنه لا يصلح سوى أن يلعب دور الانسان الآلي المدمر
ومثله الاخ سلفسترستالوني اللي رجع يدور في دفاتره القديمة بعد أن ذهبت عنه الاضواء وراح عمل فيلم رامبو وروكي بعد ما بلغ الستين من عمره
سيبك من الفيلم وخليك في المجلات أفضل لأن مش كل القصص لما اتحولت لأفلام نجحت

خالص تحياتي

رضوى said...

قطشيعة تقطع كونان على الحريمات بتوعه دول
أنا شفت الفيلم من زمان و انا صغيرة بس الحمد لله مش فاكرة منه حاجة
هو البوسترين دول بتوع لعبة بلاى ستيشن صح؟
اول بوستر بيفكرنى ب أمير فارس مش كانوا يحطوا صورة شبه صورة المحروس ابن زنجر؟

H. M. H. said...

لم يكن مطلوباً من السيد شوارتزنيغر إلا أن يستعرض بعضلاته قليلاً، ويظهر على درجة من الغباء - غير المفتعل - ليتم قبوله لأداء الدور. لكنه فيما بعد نجح في تطوير مهنته وتحول إلى اسمٍ هامٍ في هوليوود، وعلامةٍ تجارية مسجلة تُدر مليارات الدولارات. علينا ألا نغمط الرجل حقه في الثناء على موهبته في تحويل القليل الذي لديه إلى رصيدٍ هائل في المصرف، وقفزه فوق حبال السياسة.
يا دكتور!.. كنت حدثتنا، فأشرنا عليك بمتابعة قناة تو التي تُعيد أفلام كونان البربري بين الحينِ والآخر دون أن تُكلف خاطرك عناء البحث.
بالمناسبة، هُناك سلسلة رسومٍ متحركة من كونان البربري تُعرض على قناة ثري، أكثر إخافة من الفيلم، وطبعاً فإن كونان المرسوم أكثر تعبيراً من المُفني!..

مروة الزارع said...

بصراحة انا محبتهوش

يمكن العيب فيا

عااااااااااااااا

بس تسلم ايدك على الموضوع

Rain_Drops said...

بقى فيه حد يشوف فيلم لأبو زنجر ولا سلفستر البلوني و يتوقع إنه هيشوف حاجة حلوة أصلا

بس طلعت أصيل يا ميشو إنك ماخدتش كونان بذنب المعلم أبو زنجر

Michel Hanna said...

مجدي: طيب إيه رأيك في كونان المدمر (الجزء الثاني)، أشوفه ولا لأ؟

Michel Hanna said...

أحمد منتصر: عندك حق.
ياسر: بس ستالون أهون منه شوية، على الأقل وسيم وليه كام دور حلوين، ده غير انك لازم تتعاطف معاه في الجزء الأول من روكي، دي حاجة بتبقى مش بإيدك.

Michel Hanna said...

رضوي: الصورة الأولى مش متأكد إذا كانت بتاعة لعبة ولا من الكوميكس.
الثانية هي بوستر الفيلم اللي باتكلم عليه.

Michel Hanna said...

hmh الحقيقة أنا عندي حساسية من التليفزيون، بافضل اني أجيب الأفلام ع الكمبيوتروأشوفها بحرية، التليفزيون بيحدد لي أشوف إيه وفي أنهي معاد، ده غير اني غالبا باشوف الفيلم على كذا مرة ومش بطريقة متواصلة، وده ما ينفعش مع أفلام التليفزيون.

Michel Hanna said...

مروة: الله يسلمك :)
نقط المطر: حلوة حكاية أبو زنجر دي :)
وكونان حبيبنا طبعا ما لوش ذنب فيي الموضوع :)

Anonymous said...

بصراحه انا بعد ناشفت الجزء الاول مكانش عندى استعداد اشوف منه اجزاء تانيه
بس سمعت انه بنفس القدر من السخافه

Michel Hanna said...

أنا نفسي اتسدت من الموضوع كله فعلا.