Friday, March 28, 2008

فاتيما وكريمة وحليمة!


تعرض قناة النيل للمنوعات حاليا حلقات قديمة لألف ليلة وليلة، تلك الحلقات التي قامت فيها شريهان بأداء ثلاثة أدوار لثلاث أخوات: كريمة اللثغاء المرووشة، وحليمة البطيئة النايمة على روحها، وفاتيما العاقلة اللي فيهم.
قدم التليفزيون أعمالا عديدة مستوحاة من الليالي، وتبقى القصة العجيبة لفاتيما وحليمة وكريمة هي أكثر هذه الحكايات روعة وإبهارا.
ولا أعرف هل أنا معجب بها إلى هذا الحد لأنني رأيتها لأول مرة وأنا طفل، ولازال لديها في ذاكرتي بقايا انبهار ومعزة قديمة؟ أم لأنها عمل عبقري فعلا؟

الأخوات الثلاثة، والقصر المسحور الذي يظهر ويختفي، والبستان الذي يطرح بغير أوان، وبئر الزيت، وريما التي عادت إلى عادتها القديمة بعد أن ارتكبت الجريمة، ومشكاح الشطاح النطاح اللي إن جه أو راح بلبل صداح، وعالم ما تحت الأرض، والمؤامرة الممتدة على مدى ثلاثين حلقة، والكنز المخفي الذي لا يظهر لمن يبحث عنه.

من اللطيف أن الحوار بين الشخصيات مسجوع من أول الحلقة إلى آخرها، ورغم أنه يبدو مبتذلا قليلا: "أهلا بيك يا أمير، أمال فين الوزير، انت جيت يا وردان، تحت أمرك يا ملك الزمان، أمال فين مرجان، حالا يبقى في المكان.." الخ، إلا أنه رغم هذا يضفي نوعا غريبا من السحر على الحلقات.
ولا ننس طبعا الألحان الرائعة للمقدمة والنهاية، والتي يساوي طولهما طول الحلقة تقريبا وربما أكثر، ورغم أنني شاهدت مقدمة الحلقة ونهايتها عشرات المرات، إلا أنني لا أمل منهما أبدا.

حان اللقاء هذا المساء
للراوية الحلوة الحسناء
تسحر قلوبنا كيف تشاء
وتقول لملايين العشاق..

وطبعا الموتيفات الشهيرة: الدنيا ما بتديش محتاج.. رجعت ريما لعادتها القديمة.. اللي يدور ما يلاقيش.. الخ. وكمان الخدع اللي كانت حاجة فظيعة جدا بمقاييس الثمانينات.

لاشك أن هذه كانت أفضل محاكاة لليالي وأكثرها اقترابا من عوالمها. ما فيهاش حاجة وحشة غير الممثل الرخم اللي عمل دور الأمير، واللي شكله ما يجيبش أبدا على أمير!

شاهدوا مقدمة العمل هنا.

15 comments:

emad said...

بوست متميز

تحمل لى هذه الحلقات وغيرها الكثير من ذكريات السعادة الطفولية البريئة و"الانبهار"بتلك الخدع"المبهرة جدا"بالاضافة فعلا كما ذكرت لمسألة السجع هذه تضفى جوا بديعا على الحلقات.

من ضمن ما أذكر ايضا الحلقات اللى كان فيها الاشكيف مش فاكر تحديدا كانت لشريهان برضه ولا مين..

لكن دعك من كل حلقات الف ليلة التلفزيونية ,الاستماع والاستمتاع بالف ليلة وليلة الاذاعية شئ يفوق الوصف...

وقطعا قراءة الليالى يتفوق فى درجة الامتاع على الاستماع والمشاهدة.

Anonymous said...

for my bad luck when I was a kid the time they showed these Alf lela w lela my Mom and my sister used to watch them....so I considered them women stuff and didnt...
I regreted this so much wallah...
specially after that I saw some of Shereehans other work(علشان خاطر عيونك,فوازير حول العالم...etc)
the last one...the Fawazeer...its intro plus the music of many series of different countries....
I almost DAILY make dandana of them...you know the dandana of a certain music that comes to your mouth in certain situations or under certain emotions...
-or maybe I'm the only psycho-...
anyway...
Shereehan,
Nelly
and So3ad Hosny....
those are the icons of "SHOW" that can't be repeated...
Regards Michel...
The Dean

Anonymous said...

يا دكتور ميشيل انا معجب جدا بالمدونة وكل مواضيعها ومتابعها من زمان لكن جمال الموضوع المرة دى هوا اللى خلانى ارسل تعليق...فالعبدلله من اشد المعجبين بحلفات الف ليلة وليلة التى قدمتها شيريهان واخرجما العبقرى الراحل فهمى عبد الحميد وقد حاولت كتير البحث عن هذه الحلقات على النت علشان احملها واحتفظ بها ولكنى لم اجدها وشكرا جزيلا لك لكتابتك عن هذه الحلقات الجميلة وباقول للاستاذ اللى بيسال عن الاشكيف فدى كانت الف ليلة بتاعت ليلى علوى .واحب اسالك يا دكتور قصدك مين بالامير الرخم عماد رشاد ولا هادى الجيار

Nour & Zeyad said...

اشكرك على البوست الجميل بجد ياااااااااااااه الف ليلة وليلة هييييه رجعتني للذي مضى
بس انا موافقة ان الف ليلة في الراديو اجمل واشد سحرا يمكن عشان الخيال؟؟
على فكرة اهنيك على العدد اللي فات من الضربشمسيين والمقالات اللى بجد ضحكتني عن الحشرات انا احترمت جدا جدا الصرصار بجد !!
تحياتي
(وكمان بحقد عليك عشان كل الكتب اللي بتاعة بوست معرض الكتاب !!)
زيانور

TigerEye said...

تعرف انا النهاردة كنت بفكر في حاجة غريبة

الاعلانات بتاعة زمان اللي كنا بنشوفها واحنا صغيرين

والمسلسلات والبرامج والاغاني و... الخ

الحاجات دي كلها بتتدفن جوانا كذكرى

لكن ليه لما بنلاقيها قدامنا تاني بنفرح بيها مهما كان رأينا في مستواها
يمكن عشان بتحقق لنا حلم مستحيل وهو الرجوع للماضي
عندما كنا أبرياء وكان العالم أجمل بكثير


انت رأيك ايه يا ميشيل
الواحد يفرح بالذكريات ولا يزعل على السنين اللي عدت وهو مش واخد باله

Anonymous said...

Hello I just entered before I have to leave to the airport, it's been very nice to meet you, if you want here is the site I told you about where I type some stuff and make good money (I work from home): here it is

ميشيل حنا said...

عماد: للأسف ما حضرتش موضوع ألف ليلة الإذاعية دي، ما تعرفش إذا كان فيه منها حلقات ع النت؟

ميشيل حنا said...

دين: تحياتي لك وشكرا جزيلا.
نور وزياد: ميرسي يا افندم وسعيد ان لحشرات عجبتك. لسة فيه مقال مماثل عن الحيوانات بس يا رب ينشروه قبل ما شعري يبيض!

ميشيل حنا said...

عين النمر: أنا بافكر فعلا اكتب حاجة عن إعلانات زمان دي، فيها حاجات معلقة مع الواحد زيها زي النشيد الوطني!
يفرح ويزعل مع بعض!

ميشيل حنا said...

آدم البني: شكرا مش عايزين النهارده.

emad said...

Michael :Yes they r available on dvd4arabs,wlesa btt3ad 3la elradio kman :)

bluestone said...

فيه مواد درامية كتير جدا مرتبطة جوانا كجيل بمراحل نمونا .. احنا تقريبا كبرنا على البرامج والمواد دي .. برغم سذاجتها وبدائيتها مقارنة بما يعرض الآن إلا انها كان ليها طعم مختلف .. يمكن لندرتها آنذاك لانه مكانش فيه غير قناة واحدة بتقدمها قبل الدش والفضائيات .. رغم انها بتقدم سيل متدفق لكن بلا طعم ..

ويمكن لانها خلقت جوانا كجيل برضه نوع من الوحدة .. كلنا كنا بنتفرج على نفس الحاجة .. مهما اختلف الدين او الطبقة الاجتماعية او المكان ..
دلوقتي الوضع اختلف

طبعا التلات بنات كريمة وحليمة وفاطيما اختيار موفق جدا لان الحلقات الطف بكتير واكثر تقدما من حيث الخدع من حلقات عروسة البحور مثلا ..
كمان كانت تفاصيلها ثرية جدا

واكيد الموتيفات الكتير التي لا تنسى .. على رأي الشيخ ابو فراج الدنيا مابتديش محتاااااج :)

السجع الساذج ده كان تقريبا اول شعر عامي سمعناه في طفولتنا

تحياتي على بوست حلو

ميشيل حنا said...

وطبعا اللي يدور ما يلاقيش!

Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

MariannE_N said...

fe3lan el mosalsal da kan awel introduction lia le3alam el fantasy

mesh 3arfa leh kol ma aftekro afteker el loun el blue wel mermaids